مەملەكەتتىك اۆتوبۋستار بەكىتىلگەن مارشرۋتقا ساي ارنايى بەكەتتەرگە دەيىن عانا بارادى. ودان ءارى جۇرۋگە ساياجاي كوشەلەرىندە مۇمكىندىك جوق. سەبەبى, ساياجاي كوشەلەرى اۆتوكولىك جۇرۋگە ارنالماعان. سالدارىنان وقۋشىلار 1-1,5 شاقىرىمداپ جاياۋ جۇرۋگە تۋرا كەلەتىنى اتا-انالاردى الاڭداتقان.
بۇل ماسەلەنى شەشۋ ءۇشىن وبلىس اكىمىنىڭ ءبىرىنشى ورىنباسارى نۇرلان ءابدىراحىم كەلىپ, جەرگىلىكتى تۇرعىندارمەن كەزدەستى. كەزدەسۋ بارىسىندا ول ناقتى شارالاردى تانىستىردى. سونىڭ باستىسى, 16 قىركۇيەكتەن باستاپ قوسىمشا ءۇش اۆتوبۋس جولعا شىعارىلادى, ال مارشرۋت 1,5 شاقىرىمعا ۇزارتىلىپ, تۇرعىن الابىنا جاقىنداتىلدى.
2026 جىلى بۇل ساياجايلارعا اۋىلدىق وكرۋگ مارتەبەسى بەرىلەدى. بۇل قادام الەۋمەتتىك نىساندار سالۋعا مۇمكىندىك جاسايدى.
جەرگىلىكتى بەلسەندىلەر وتىنىشتەرىنە وبلىس باسشىلىعىنىڭ دەر شاعىندا نازار اۋدارعانى ءۇشىن العىستارىن ءبىلدىردى.
ء«بىزدىڭ ماسەلەمىزگە كوڭىل ءبولىپ, ناقتى شارالار قابىلداعاندارىڭىزعا ريزاشىلىق ايتامىز», – دەدى «مەرەي» ساياجايىنىڭ تۇرعىنى ەرلان جانسەيىت ۇلى.
الماتى وبلىسى.
